Uppsagnir: Almannaverkið sparir tríggjar mió. kr.

Tað kostaði skattagjaldaranum yvir 700.000 krónur, at stjórin, Petra Johnsdóttir Joensen í juni í ár varð søgd úr starvi, og nú í septembur kostaði tað áleið tað sama at siga deplisstjóran í almannaverkinum, Gunnleyg Durhuus, úr starvi.

Í minsta lagi hálv onnur millión fer sostatt í løn til fólk, hóast tey ikki longur arbeiða í Almannaverkinum.

Eyðun Mohr Hansen, virkandi stjóri í Almannaverkinum, leggur kortini dent á, at hann ikki hevur sagt níggju vanligum starvsfólkum upp fyri at fáa ráð til at gjalda Petru Johnsdóttir Joensen og Gunnleyg Durhuus fráfaringarløn.