Fyrimunur at sjúkrahúsini umsita játtanina

Tað er ein fyrimunur, at sjúkrahúsini fáa størri ábyrgd av pengunum, tá sjúklingar verða sendir av landinum til viðgerðar.

Tað heldur Sigurð Ó. Vang, stjóri á Landssjúkrahúsinum.

Karsten Hansen, landsstýrismaður í heilsumálum, ætlar, at tey trý sjúkrahúsini næsta ár sjálvi skulu umsita játtanina til sjúklingaviðgerð uttanlands. Hetta verður gjørt í eini roynd at tálma vaksandi útreiðslunum til serviðgerð uttanlands, sum í ár verður minst 145 mió. kr.

Umbøn um eykajáttan er í tinginum.

Sum er brúkar Landssjúkrahúsið 90 prosent av játtanini til serviðgerð uttanlands.