Fólk stúra fyri fuglalívinum í Klivaløkshaga

Milljum 30 og 40 fólk vóru á fundinum hjá Yvirfriðingarnevndini á Sandi.

Endamálið við fundinum var at skoða ætlanina um sjey vindmyllur, sum skulu byggjast vestan fyri Sands bygd.

Eisini er ætlanin at gera veg úr landsvegnum millum Sand og Skopun í Klivaløkshaga.

Náttúrufriðingarnevndin í Sandoyar sýslu gav fyrst í oktober í fjør loyvi til vindmyllurnar og vegin.

Umhvørvisstovan gav í februar felagi, sum Jóhan í Niðristovu og onnur ætla at stovna, loyvi at byggja myllurnar vestan fyri Sands bygd. Tað er, at felagið fær loyvi til elframleiðslu úr vindorku.

Onnur loyvi skulu eisini útvegast

Fýra umsóknir komu.

Loyvini, sum higartil eru givin, eru treytað av, at onnur neyðug loyvi eisini kunnu fáast til vegar.

Teirra millum eru loyvi frá Yvirfriðingarnevndini, loyvi frá Sands kommunu, og endalig avtala skal gerast við jarðareigararnar í økinum.

Peter Flügge, skrivari hjá Yvirfriðingarnevndini, veit ikki at siga, nær nevndin ger niðurstøðu um vindmyllurnar á Sandi.

Hann sigur, at fundurin á Sandi vísti, at fólk eru serliga stúrin um fuglalívið í Klivaløkshaga, har ætlanin er at byggja myllurnar.