Helst eingin eykaskattur á vinnuna

Ætlanin hjá landsstýrinum at hækka eykaskattin, sum ali- og fiskivinnufyritøkur, skulu rinda, verður kanska av ongum. Tað ger Bárður Nielsen, formaður í Fíggjarnevndini, greitt á portal.fo.

Landsstýrið hevur skotið upp, at hesar fyritøkur, ið vinna oman fyri milliónina, skulu rinda sjey prosent í eykaskatti.

Fíggjarnevndarformaðurin vísir á, at ein arbeiðsbólkur í løtuni situr við málinum, og hann er ikki liðugur enn.

Bólkurin arbeiðir, sambært portalinum, við at gera ein nýggja skipan um brúksgjald fyri firðirnar - í staðin fyri at leggja eykaskatt á vinningin.

Somu hugsan hevur tingkvinnan, Bjørt Samuelsen.