Kári P. Højgaard: Eg eri fríkendur

- Eg eri fríkendur, og øll misteinkiliggering og allur ivi, sum er sáddur í málinum um Eysturoyartunnilin, eru beind burtur í frágreiðingini.

Tað sigur Kári P. Højgaard, fyrrverandi landsstýrismaður, um frágreiðingina frá Sjúrði Rasmussen, løgfrøðingini á Løgmansskrivstovuni, sum var almannakunngjørd fyrrapartin.

Hann sigur, at hetta er fyrsta óhefta kanning, sum er gjørd í hesum málinum. Alt er gjørt eftir besu ráðgeving, bæði í Føroyum og uttanlands, sigur Kári P. Højgaard.

Eisini Kaj Leo Holm Johannesen, løgmaður, er nøgdur við kanningina hjá sínum egna løgfrøðiliga ráðgeva.
 

Hoyr samrøðu, sum Óluva Zachariasen gjørdi við Kára P. Højgaard og løgmann, í útvarpstíðindunum.