Kommunan roynir at selja Venjingarskúlan

Høvuðsstaðarkommunan roynir nú at selja landinum Venjingarskúlan í Havn. Kommunan sendi 4. oktober Mentamálaráðnum eitt uppskot um sølutilgongd. Sambært uppskotinnum skal kommunan umvæla skúilan, áðrenn landið yvirtekur hann.

Mentamálaráðið hevur áður boðað frá, at ein góð loysn at bøta um hølisviðurskiftini hjá Fróðskaparsetrinum er at savna alt virksemi hjá Setrinum á Venjingarskúlanum og økinum uttan um skúlan.

Hoyr samrøðu við Helenu Dam á Neystabø, forkvinnu í mentamálanevndini í Tórshavnar býráð, í útvarpstíðindunum.