Útflutningsbann ein vanlukka fyri Varðan Pelagic

Tað verður ein vanlukka fyri uppsjóvarvirkið Varðan Pelagic á Tvøroyri, sleppur virkið ikki at útflyta til Russlands.

Tað sigur Johan Dahl, landsstýrismaður í vinnumálum, nú veterineru myndugleikarnir í Russlandi svartlista Varðan Pelagic, tí ov nógv bakteria eftir øllum at døma er staðfest í vørum frá virkinum.

Talan má vera um eitt mistak, og støðan hjá Varðanum Pelagic verður viðgjørd á hægsta stigi, bæði í embætisverkinum og politiskt.

Jóhan Dahl gjørdi russiska fiskimálaráðharran varugan við støðuna, í sambandi við makrelsamráðingarnar í síðstu viku.