50.000 tons av sild og makreli á goymslu

Frystigoymslurnar eru á tremur við 50.000 tonsum av makreli og sild fyri hundraðtals milliónir kr., og tí kemur innflutningbannið, sum russar hava hótt við at seta í verk ´móti Varðan Pelagic á Tvøroyri, sera illa við.

Bogi Jacobsen, stjóri, ásannar, at seinastu tíðina hevur verið nógv avskipað til Russlands, áðrenn stongsulin kanska kemur í gildi í dag.

Hetta hevur figgjarligar avleiðingar, tí vøran kemur skjótari á marknaðin enn ætlað, og tað trýstir prísin. Men Bogi Jacobsen vísir aftur, at stóra makrel- og sildakvotan, sum vit hava ásett, nú kemur okkum aftur um brekku.