Halda vakið eyga við mannarættindum í Føroyum

Alt virksemið hjá Amnesty International tekur støði í altjóða strategisku heildarætlanini hjá Amnesty International, og Føroya deild ger eina árliga virkisætlan fyri virksemið hjá deildini við støði í altjóða strategisku ætlanini.

Amnesty Føroya Deild hevur sett sær sum mál at:

* varpa ljós á og upplýsa um mannarættindi við átøkum, tiltøkum, undirvísing og undirvísingartilfari.

* at upplýsa um mannarættindabrot, ið fara fram kring heimin við árligu ársfrágreiðingini hjá altjóða felagsskapinum, við frágreiðingum og tíðindum.

* og at halda eygað við mannarættindastøðuni í Føroyum.

Katrin Dam á Neystabø, sum er átakssamskipari hjá Amnesty í Føroyum, varð gestur í útvarpsstovuni í tíðindunum á middegi í dag.

Í Degi og viku í kvøld verður meira at frætta um tiltøkini hjá Amnesty.