Nú byrjar sakarmálið móti leiðsluni í gamla Eik

Í morgin verður sjøtul settur á sakarmálið ímóti leiðsluni í gamla Eik Banka. Fíggjarligt støðufesti hevur stevnt gomlu leiðsluni og grannskoðaranum eftir 150 milliónum kr.

Teir, sum eru stevndir eftir endugjaldinum, eru fyrrverandi nevndarformaðurin í Eik Banka, Frithleif Olsen, og fyrrverandi næstformaðurin í nevndini, Odd Bjellvåg.

Fíggjarligt støðufesti stevnir eisini fyrrverandi forstjóranum, Marneri Jacobsen, og fyrrverandi stjóranum, Bjarna Olsen.

Grannskoðarafyritøkan Nota og grannskoðarin, Hans Jóhan Laksá, eru eisini stevnd.