2 mió. kr. til Fountain Hús

Á fíggjarlógini fyri 2014 eru tvær mió. kr. settar av til at skipa eitt arbeiðsrættað tilboð til fólk við sálarligum trupulleikum.

Lýst varð eftir umsóknum í januar, og inn komu tríggjar umsóknir, men bara ein varð mett at lúka treytirnar at fáa stuðul.

Talan er um sokallaða Fountain Húsið, sum Súsanna Winther Poulsen og Súna Mørk eru stigtakarar til, sum nú tvær mió. kr. í stuðli.

Arbeiðsrættað tilboð

Endamálið við Fountain Húsinum er at skapa møguleikar hjá fólki við sálartrupulleikum at virka á jøvnum føti við aðrar borgarar í samfelagnum, siga stigtakararnir.

Málið er, at fleiri sálarsjúk fáa eina meiningsfulla tilveru, sum gevur teimum innihald í gerandisdegnum.

Í fyrstu syftu skal verkætlanin staðfesta tørvin hjá málbólkinum, ynskini hjá arbeiðsmarknaðinum, umframt at kanna, hvør tørvurin er á einum slíkum tilboði.

Eftir ætlan skal húsið lata upp í vár.