Einki brúkaragjald á sjúkrarøkt

Bæði landsstýriskvinnan í almannamálum og forkvinnan í Trivnaðarnevndini leggja dýran við, at tað ongantíð hevur verið ætlanin at leggja brúkaragjald á sjúkrarøktartænastu.

Kortini er galdandi áseting um, at tænastan er skattafíggjað, strikað. Í staðin er uppskot gjørt um nýggja lógargrein, sum loyvir kommununum at taka gjald fyri heimasjúkrarøkt.

Men Annika Olsen, landsstýriskvinna, lovar nú at koyra ásetingina inn aftur í lógaruppskotið.