Lirka brúkaragjøld gjøgnum bakdyrnar

Samgongan lirkar brúkaragjøld á grundleggjandi vælferðartænastur inn gjøgnum bakdyrnar.

Tað sigur Óluva í Gong, forkvinna í felagnum Føroyskir Sjúkrarøktarfrøðingar, nú rætturin til ókeypis heimasjúkrarøkt verður strikaður, og kommunurnar í staðin skulu fáa møguleika at leggja brúkaragjald á.

Hon fýlist á, at einki orðaskifti er um ta uppgerð, sum er á veg við grundleggjandi skattafíggjaðar vælferðartænastur.