Útlendingar fingu av órøttum fimm milliónir úr fiskavirkisskipanini

Góðar fimm milliónir krónur vóru í fjør av órøttum rindaðar í stuðli til útlendingar í fiskavirkisskipanini. 

Tað staðfesta nýggj løgfrøðilig upprit, sum ALS-stýrið hevur biðið um. 

Og hjá nøkrum útlendingum er hesin arbeiðsloysisstuðulin grundarlagið fyri uppihaldinum í Føroyum.

Millum 10 til 15 útlendingar hava í upp til hálvtannað ár fingið stuðul úr fiskavirkisskipanini, sjálvt um tey lítið og einki hava arbeitt hesa tíðina í Føroyum. 

Tað staðfesti Eyðfinnur Jacobsen, stýrisformaður í ALS, tá hann var gestur í Breddanum í morgun.

Hetta ber til, tí higartil hevur verið mett, at útlendingar, sum koma til Føroya at arbeiða, lúka krøvini um 40 tíma arbeiðsviku, um tey eru í fiskavirkisskipanini. 

Hoyr innslag í útvarpstíðindunum: 

Allur Breddin kann hoyrast her.