Varaborgarstjóri og Sea Shepherd í hornatøkum

Løgreglan kann eitt mál um herverk á keiini í Skopun í gjárkvøldið. Fólk frá Sea Shepherd vóru ónøgd við, at kommunan hevur sett upp ketu við lási á fyri bátadráttin. 

Hallmar Winther, varaborgarstjóri í Skopun, sigur, at Skopun hevur altíð havt ein bumm ella ketu fyri bátadráttin, tí hann liggur soleiðis fyri, at um illa vil til, so kunnu bilar koyra beint út av bátadráttinum. Ketan er har fyri at forða fyri hesum. Men í gjárkvøldið vildu Sea Shepherd sleppa at draga bát í dráttinum.

Hoyr Hallmar Winther greiða frá hendingini.

Løgreglan hevur avhoyrt Hallmar Winther og fólkini frá Sea Shepherd, og nú verður frágreiðing skrivað. Eisini skal staðfestast, hvør hevur brotið lásið og framt harðskap á ognir hjá kommununi.