Yvirkærunevndin staðfest Suarez dóm

Talan er um eitt grovt brot, ein kendan fótbóltsspælara, sum eisini skal vera fyrimynd og so er hetta ikki fyrstu ferð, at hann fremur tílíkt brot. Hesar vóru grundgevingarnar hjá aganevndini í FIFA, tá hon ásetti dómin hjá Luiz Suarez. Og nú hevur yvirkærunevndin hjá FIFA so staðfest avgerðina hjá aganevndini. Ein av limunum í yvirkærunevndini er Christian Andreassen, forseti í Fótbóltssambandi Føroya.