Frálíkt at landsstýrismaðurin setur spurnartekin

Tá fiskidagarnir vóru til viðgerðar í tinginum fyrr í vikuni, segði Jacob Vestergaard, landsstýrismaður, at hann er ikki treytaleyst nøgdur við arbeiðið, sum Havstovan letur úr hondum.

Men stjórin á Havstovuni, Eilif Gaard, tekur ikki útsøgnina hjá landsstýrismanninum sum eitt misálit á stovnin.

- Tað er frálíkt, at landsstýrismaðurin í fiskivinnumálum setir spurnartekin við tey tilmæli, sum hann fær frá serfrøðini á Havstovuni, sigur Eilif Gaard.