Støðan hjá Eivini órógvar ikki landsstýrismannin

Tað er ikki óvanligt, at fólk í samgonguni atkvøða ímóti samgonguni.

Og hetta er ikki øðrvísi enn tað, sigur Jacob Vestergaard, landsstýrismaður í fiskivinnumálum, nú Eivin Jacobsen í Sambandsflokkinum atkvøddi ímóti uppskoti hansara um fiskidagarnar.

Triðja viðgerð verður í dag, og Eivin Jacobsen segði í gjár, at hann aftur í dag fer at atkvøða ímóti landsstýrismanninum og samgonguni.

Støðan hjá samgongufelaganum órógvar tó ikki Jacob Vestergaard rættiliga nógv.

Mynd: Eivin Jacobsen, løgtingsmaður, atkvøddi ímóti uppskotinum frá landsstýrismanninum um fiskidagar.