Jákup Mikkelsen fær onga frágreiðing

Jacob Vestergaard, landsstýrismaður, ætlar sær ikki at koma við nakrari frágreiðing til Jákup Mikkelsen, løgingsmann og partamann sín í Fólkaflokkinum, sum vil hava at vita, um handfaringin hjá Fiskimálaráðnum av veiðiloyvum samsvarar við lógina.

Málið snýr seg um veiðiloyvini í Suðurkyrrahavinum, sum við vælsignilsi úr Fiskimálaráðnum eru vekslað um til virðismikil makrelloyvi í føroyskum sjógvi.

Jákup Mikkelsen bað eftir hvassorðaðan tingfund fríggjadagin um at fáa eina frágreiðing frá Fiskimálaráðnum og landsstýrismanninum um, hví hendan handfaringin er loyvd.

Mynd: Jákup Mikkelsen er formaður fyri tingmanningina hjá Fólkaflokkinum