Sinnaðir at viðgera føroyskan limaskap í WTO

Danir eru sinnaðir at viðgera spurningin um sjálvstøðugan føroyskan limaskap í heimshandilsfelagsskapinum WTO. Men ikki treytaleyst.

Tað sigur Martin Lidegaard, uttanríkisráðharri.

Stríðið millum Føroyar og ES um makrel- og sildabýtið hevur seinkað tilgondgini, sigur hann.

Martin Lidegaard hevur sama boðskap um føroyskan WTO-limaskap sum undanmaður hansara, Willy Søvndal, hevði í fjør og fyrraárið.