Makrelurin undir Føroyum minkaður eina helvt

Makrelurin í føroyskum sjógvi er minkaður eina helvt í ár. Orsøkin er, makrelurin hevur flutt seg úr føroyskum sjógvi.

Tað vísa úrslitini av felags yvirlitstrolingunum, sum vórðu lagdar fram í vikuni.

Fundirnir hjá arbeiðsbólkinum hjá ICES, sum byrjaðu fyrradagin, enda mánadagin.

Íslendingar, sum ikki eru partur av fimm ára makrelavtaluni, sum Føroyar gjørdu við ES og Noreg, halda, at nýggju tølini vísa, at meiri makrelur er komin í íslendskan sjógv, skrivar Portalurin.

Íslendski fiskimálaráðharrin, Sigurður Ingi Jóhannson, heldur tí, at tølini eiga at verða tikin við í metingunum, tá samráðast skal um makrelstovnin.

Mynd: Jan Arge Jacobsen, fiskifrøðingur á Havstovuni,  hevur saman við hinum vísindaligu umboðunum fyri strandarlondini lagt fram endaligu úrslitini av felags yvirlitstrolingunum.