Tingfólk: Íbúðir frá Bústøðum ov dýrar

Summar íbúðir, sum Bústaðir byggja, eru so dýrar at leiga, at tær eru at meta sum marglætisíbúðir.

Tað varð ført fram í tinginum, tá ófráboðaðir spurningar vórðu á skránni seinnapartin.

Rósa Samuelsen úr Sambandsflokkinum spurdi Jørgen Niclasen,landsstýrismann, um Bústaðir gera eftir ásetingunum í lógini.

Jørgen Niclasen svaraði, at Bústaðir royna at byggja íbúðir kring alt landið, og at roynt verður at trýsta prísin.

- Bústaðir fylgja endamálinum í lógini, men eru ikki komnir á mál, segði Jørgen Niclasen.

Hoyr alt orðaskiftið um fyrispurningin her.