Lægri renta ger at prístalið er minkað

Fyri fyrstu ferð í fimm ár er prístalið minkað, tó ikki nógv, bara 0,2 prosent.

Tað var 0,2 prosent minni í februar ár enn í februar í fjør.

Rentan er lækkað nógv. Tí er prístalið minkað, sigur Hagstovan.

Miðalrentan er lækkað meira enn 38 prosent seinasta árið. Men húsaleiga er vorðin seks prosent dýrari.

Prísirnir hækkaðir 20 prosent

Annars eru prísirnir hækkaðir 20 prosent seinastu fimm árini.

Í februar 2026 vóru matvørur og drykkjuvørur 2,5 prosent dýrari enn í februar í fjør. Seinastu fimm árini eru hesar vørur vorðnar góð 30 prosent dýrari.

Seinasta árið eru serliga kaffi, te og kakao dýrkað. Prísvøksturin á hesum vørum er næstan 17 prosent. 

Kjøt er nærum níggju prosent dýrari nú, og fiskur næstan sjey prosent dýrari. 

Prísurin á grønmeti er lækkaður, tí nú er einki meirvirðisgjald á grønmeti.