Føroyskar vørur skulu fáa lættari atgongd á íslendska marknaðin

Bárður á Steig Nielsen, landsstýrismaður, hevur tosað við íslendska uttanríkisráðharran um Hoyvíkssáttmálan, sum nú hevur 20 ár á baki

MBM er millum fyritøkurnar, sum royna at sleppa á íslendska marknaðin.

Mynd: Bárður Lydersen

Frants Jensen

20.05.2026 - 11:02

- Føroyskar vørur skulu fáa lættari atgongd á íslendska marknaðin. Millum annað vørur frá Mjólkavirki Búnaðarmanna.

Tað sigur Bárður á Steig Nielsen, landsstýrismaður í uttanríkismálum, sum í gjár hevði telefonfund við íslendska uttanríkisráðharran, Þorgerður Katrín Gunnarsdóttir.

Føroyar, Ísland, Hoyvíkssáttmálin

Nógvir føroyingar eru misnøgdir við Hoyvíkssáttmálan, tí íslendingar hava størri fyrimun av honum enn føroyingar.

Hóast Hoyvíkssáttmálin er 20 ára gamal, eru nógvir føroyingar, ið ikki eru nøgdir við avtaluna. Tey halda at tað er alt ov lætt hjá íslendingum at selja sínar vørur í Føroyum, meðan tað er sera trupult hjá føroyingum at sleppa á íslendska marknaðin.

Fyri nøkrum árum síðani hóttu føroyingar við at slíta Hoyvíkssáttmálan fyri at fáa íslendingar at slaka, men tað hjálpti ikki so nógv. Hetta er ikki tað fyrsta, sum roynt verður nú, sigur Bárður á Steig Nielsen.

Hoyr innslag í útvarpstíðindunum:

20052026_Hoyvikssattmali