Royna at fáa øll lond við í makrelsemjuna

Tað er ein avbjóðing, at nøkur lond framvegis eru uttan fyri makrelsemjuna.

Tað ásannar Jacob Vestergaard, landsstýrismaður í fiskivinnumálum, nú Føroyar hava formansskapin í samráðingunum millum strandarlondini um makrel.

Føroyar, ES og Noreg hava sett av 164.000 tons til Íslands, Russlands og Grønlands at fiska í 2015. Tað eru 15,6 prosent av heildarkvotuni. Spurningurin er, um tað ikki kann enda sum við svartkjaftinum, at brádliga er eingin makrelur eftir.

Tí verður roynt at fáa øll lond við í makrelsemjuna, serliga Ísland, sigur Jacob Vestergaard.