Lonirnar í Hoydølum standa enn

Lonirnar i Hoydølum vóru ein fyribils loysn, og tær vóru settar upp, so tær lættliga kundu takast niður aftur.

Økið er friðað, og einki meira kann byggjast har, men bráðkomið plásstrot á studentaskúlanum í Hoydølum í sambandi við blámusopp hevði við sær, at yvirfriðingarnevndin gav fyribils loyvi til at seta barakkir upp, so skúlin fekk eyka skúlastovur. 

Lonirnar vóru settar oman á lendið, so tær vóru lættari at taka niður aftur, tí økið er friðað.

dagstovnar, Lonirnar í Hoydølum, dagstovnar í Havn

Brúktar til dagstovn

Tá skúlin flutti út á Glasir, vóru lonirnar tó ikki tiknar niður.  Tær blivu gjørdar til dagstovn, sum læt upp í august 2021

Síðani hava fleiri undantaksloyvi verið latin, so brakkirnar kunnu verða standandi - seinast við fyribilsloyvi treytað av, at tær vóru tiknar niður um ársskiftið 2023 - 2024. 

Men lonirnar standa enn, og tær verða framvegis brúktar til dagstovn. 

Tað er ikki einasti dagstovnur sum húsast í Hoydølum. Øll niðara hæddin á gamla studentaskúlanum verður i dag brúkt sum fyribilsloysn til dagstovnin á Ternuryggi.

Heðin Mortensen, borgarstjóri,  segði í mai í 2023, í sambandi við at kommunan yvirtók partar av Hoydølum frá Barna- og útbúgvingarmálaráðnum, at ætlanin hjá kommununi var, at virksemi við banraansing í økinum eftir ætlan skuldi halda fram. 

dagstovnar, Lonirnar í Hoydølum, dagstovnar í Havn

Óvist hvat kommunan ætlar

Enn er óvist,t hvat kommunan ætlarl við økinum, sum hon keypti í sambandi við eitt makaskifti fyri einum ári síðani.

Kommunan treytaði sítt keyp av Hoydølum, at økið skuldi ummatrikulerast og byggisamtyktin broytast, so tað bar til at gera broytingar í økinum.

Hetta fekk tó kaldliga móttøku frá Umhvørvisstovuni, Skógfriðingarnevndini og lokalu friðingarnevndini.

Málið endaði í Yvirfriðingarnevndini, sum ikki er liðug at viðgera málið. 

Kommunan hevur fyribils biðið Yvirfriðingarnevndina steðgað viðgerðini av umsóknini um at broyta byggisamtyktina, tí tey ivast, um tað er neyðugt, at Yvirfriðingarnevndin tekur støðu til, um byggisamtyktin skal broytast, tá ongar ítøkiligar ætlanir eru um at byggja, segði Magnus Dam, løgfrøðingur hjá Tórshavnar kommunu, við útvarpið í gjár.