Asiatiskt NATO

Asiatiskt NATO
Norðurkorea kallar nú hernaðarliga samstarvið millum Suðurkorea, Japan og USA fyri asiatisku útgávuna av NATO
Norðurkoreanski stjórnarleiðarin, Kim Jong Un, á fundi við stjórnandi flokkin í Pyongyang.
Mynd: Kcna/Reuters/Ritzau Scanpix  
 
30.06.2024 - 12:46

Tað er follið norðurkoreansku leiðsluni fyri bróstið, at tey trý londini fyrr í vikuni høvdu felags hernaðarvenjing nærhendis koreansku hálvoynni.

Hernaðarvenjingin, sum gekk undir navninum "Freedom Edge", var ætlað at styrkja verjuna móti rakettálopum, kavbátum og loftálopum, og hon kom í kjalarvørrinum av tingingunum millum tey trý londini í Camp David í USA í fjør, har avrátt var at styrkja hernaðarliga samstarvið teirra millum.

Norðurkoreanska uttanríkisráðið sigur, at tað ikki verður ignorerað, at ein hernaðarsamgonga undir leiðslu av USA verður styrkt, og at Norðurkorea fer at verja friðin í økinum við einum ágangandi og øgiligum aftursvari, skrivar tíðindastovan KCNA.

Norðurkorea ákærir eisini USA fyri at vilja draga Suðurkorea og Japan tættari at NATO og nevnir sum dømi um hetta, at Suðurkorea roynir at veita Ukraina vápn í stríðnum móti Russlandi.

Bæði USA og Suðurkorea hava annars ákært Norðurkorea fyri at senda vápn til Russlands, sum síðani brúkar tey ímóti Ukraina. Bæði Norðurkorea og Russland hava avsannað hetta.

Er kopiera
Nýggjastu sendingar í ÚV
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592