Leggur seg ikki út í málið fyribils

- Sum eg havi skilt á lagnum, so er samband millum sjúkrahúsleiðsluna og leiðaran á Psykiatriska Deplinum. Og tað arbeiðið fari eg ikki at leggja meg útí.

Tað sigur Karsten Hansen, landsstýrismaður í heilsumálum, nú Psykiatrisko Depilin ongan leiðandi yvirlækna hevur.

Fríggjadagin varð greitt, at Tórmóður Stóra tekur ikki við starvinum sum leiðandi yvirlækni og depilsleiðari á Psykiatriska Deplinum á Landssjúkrahúsinum.

Hann sigur seg vera ótryggan við tær raðfestingar, sum verða gjørdar á Landssjúkrahúsinum í løtuni.

Hoyr Tormóð Stórá og samrøðu við Karsten Hansen, landsstýrismann, í útvarpstíðindunum.