BankNordik fer at kappast um pensjónir

BankNordik leggur seg nú av álvara útí kappingina á pensjónsøkinum.

Og bíligari tryggingar og umsiting, skulu gera, at fólk hava meir eftir, tá tey fara frá við eftirløn.

BankNordik hevur stovnað NordikPensjón, har aðalmálið er at veita eina hægri pensjón við lægri kostnaðum til tryggingar og umsiting.

BankNordik fer undir at veita bólkatryggingar frá størsta danska veitaranum, Forenede Gruppeliv. NordikPensjón brúkar á henda hátt stórrakstrarfyrimunir til at fremja eina munandi lækking av kostnaðunum fyri lívstryggingar knýttar at pensjónsuppsparingini.

Hoyr Hans Peter Clementsen, leiðara í NordikPensjón, í útvarpstíðindunum.