- Tíðindi, mentan og ítróttur
Kultura
Mentanarvika er í Runavíkar kommunu hesa vikuna, og sera nógv tiltøk eru á skránni.
Vit práta við Urd Johannesen, ein av fyriskiparunum, um vikuna og skránna.
Í samband við mentanarvikuna skipaði Bókasavnið við Løkin aftur í ár fyri skrivikapping. Sámal Soll vann 1. virðisløn og Lydia Didriksen 2. virðisløn. Vit tosa við tey bæði um viðkomandi søgur teirra, og um týdningin av, at vit áhaldandi skapa nýggjan føroyskan skaldskap.
Vit fara eisini til New York, har vesturnorðurlendsk framsýning lat upp fríggjadagin í Scandinavia House. Kinna Poulsen ein av kuratorunum lýsir framsýningina og áhugan hjá amerikanarum fyri norðurlendska list - serliga í kjalarvørrinum av Trump og Grønlandi.
Kultura
Kultura er mentanarsending, sum viðger aktuel mentanarlig tiltøk og evni. Eisini seta vit evnir á breddan, ið vit halda treingja til viðgerð. Vit lata mentanina upp við hjartanum og viðgera mentanarrák við eldhuga, grundan og perspektivering.
Lagt til rættis: Lív Mikkelsen.
Eyðkennismerki: Høgni Egholm Magnussen.
