Tyrlupallurin má umvælast

- Tað er ikki nøktandi, at tyrlupallurin við Landssjúkrahúsið ikki kann nýtast í myrki.

Tað ásannar Sigurð Ó. Vang, stjóri á Landssjúkrahúsinum.

Hann viðgongur, at hann hevur vitað, at tyrlupallurin treingir til ábøtur.

Í gjáramorgunin avgjørdi leiðarin á tyrludeildini hjá Atlantsflogi, at tyrlupallurin kann ikki nýtast, tí tað er ikki nóg trygt at seta seg i myrki.

Karsten Hansen, landsstýrismaður í heilsumálum, sigur í stuttari viðmerking, at tað er púra nýtt fyri sær, at tyrlupallurin við Landssjúkrahúsið er í so ringum standi, at hann ikki kann brúkast. Hann fer nú at kanna málið nærri.

Mynd: Sigurð Ó. Vang, stjóri á Landssjúkrahúsinum