Alvi Joensen vann Stella Polaris kappingina

Alvi Joensen vann og hini, sum vunnu ávíkavist aðru og triðju virðisløn vóru sangarin Birita Poulsen og saxofonleikarin Kristina Thede Johansen. Virðislønirnar vóru ávikavist 20.000, 10.000 og 5.000 krónur.

Mist Thorkilsdóttir sigur, at Alvi, hóast ungur, virkar sera búgvin í tónleikinum bæði tekniskt og at skilja tónleikin, sum hann spælir. Ein leikari sum Alvi Joensen kann náa langt við sínum tónleiki, um tað er tað hann vil, segði Mist Thorkilsdóttir, sum sat í dómarapanelinum til tónleikakappingina Stella Polaris, sum var hildin í Norðurlandahúsinum um vikuskiftið.

Eftir konsertina fekk Rannvá Fossaberg orðið á vinnaran Alva Joensen.