Serlækni: Uppsagnir á LS eru sjúkueyðkenni

Tað er eitt sjúkueyðkenni, tá serlæknin, Pero Sore, sigur upp fyri aðru ferð, sigur Fróði Joensen, næstformaður í Serlæknafelagnum.

Verður endin, at giktalæknin fer, fer tað at ávirka atdráttarmegina hjá Føroyum sum heild, tá tað kemur til at fáa serlæknar til Føroya, heldur hann.

Serlæknaøkini eru tengd at hvør øðrum, og er eitt illa mannað, rakar tað hini økini eisini, sigur Fróði Joensen.