Línuskip: Vit eru fyri vanbýti

Munur verður gjørdur á skipum, sum fiska botnfisk. Tað heldur nevndin í felagnum Línuskip.

Við førda fiskivinnupolitikkinum verður stórur munur gjørdur á feløgum, ið reka fiskiveiðu. Feløg, ið hava bestu rættindini, fáa enn betri rættindi útlutað, stendur í tíðindaskrivi frá nevndini í felagnum Línuskip.

Felagið sigur seg skilja, at dagar ella kvotur minka, tá stovnarnir eru lívfrøðiliga illa fyri.

- Men tá nýggj rættindi samstundis verða útlutað undir Føroyum, og vit ikki eru partur av hesum, so er torført at síggja tað lógliga, sakliga og viðkomandi í hesum avgerðum, skrivar felagið Línuskip í tíðindaskrivinum.

Hoyr Óla M. Lassen, næstformann í felagnum Línuskip, í útvarpstíðindunum.