Tilfeingisgjøldini verða ikki broytt, men samgongan væntar størri inntøkur

Samgongan ætlar ikki at broyta tilfeingisgjøldini.

Men høgu prísirnir á makreli og svartkjafti gera, at veiðigjaldið hækkar nógv

Landið fær tí næsta árið størri part av virðinum í sín part. 

Nýggj kunngerð um veiðigjøld kemur í næstum.

Tað sigur Aksel V. Johannesen, landsstýrismaður, í svari til Sámal Petur í Grund, løgtingsmann.

Hann spurdi um skattin hjá lág- og miðalinntøkum og um landsstýrismaðurin hevur gjørt eina samlaða meting av, hvussu verandi skattaskipan ávirkar lág- og miðalinntøkur, og hvørjar avleiðingar hetta hevur fyri inntøkubýtið í samfelagnum.

Aksel V. Johannesen sigur, at í løtuni verður lóg gjørd, sum árliga javnar stigvaksandi skattastigan, so inntøkuskatturin hjá vanliga løntakaranum ikki veksur hvørt ár.

Hann vísir eisini til leigustuðulin, sum kemur í heyst.