Norðurlandaráðið raðfestir fiskivinnu og umhvørvi

Fiskivinnan og umhvørvið í sjónum eru raðfest, nú Danmark hevur formansskapin í Norðurlendska ráðharraráðnum.

Dentur hevur verið lagdur á tað grøna, men nú er tað bláa fremst, sigur Annika Olsen, landsstýriskvinna í norðurlendskum samstarvi.

Fíggjarætlanin hjá Norðurlendska ráðharraráðnum er 930 mió. kr. um árið.

Samstarvsráðharrarnir hava ábyrgdina av fíggjarætlanini og hava góðar 80 milliónir krónur til øki, sum ráðharrarnir raðfesta fremst.

Av teimum 80 milliónunum eru síðani 45 settar av til tað, sum landið, sum hevur formansskapin í Ráðharraráðnum, leggur dent á.

Í ár hevur Danmark formansskapin.

Tað kemur væl við hjá Føroyum, sigur Annika Olsen.