Londini í ríkisfelagsskapinum fáa formansskapin í Norðurlandaráðnum

Føroyar, Grønland og Danmark fáa formansskapin í Norðurlandaráðnum.

Á nýggjárinum taka Føroyar, Grønland og Danmark við formansskapinum í Norðurlandaráðnum.

Tað upplýsir danska fólkatingið.

Hetta verður fyrstu ferð, at londini í ríkisfelagsskapinum hava formansskapin saman.

Lars Christian Brask

Lars-Christian Brask, sum er fólkatingsmaður fyri Liberal Alliance og formaður í donsku sendinevndini í Norðurlandaráðnum, verður nýggjur forseti í ráðnum.

Sunnvá Dahl Høgfeldt, sum saman við Bjørg Brynhildardóttur Egholm, umboðar løgtingið í Norðurlandaráðnum, er vald sum varaforseti í ráðnum.

Hon sat í forsetasessinum á fundinum í Helsinki í dag i sambandi við, at sitandi og nýggi formansskapurin býta uppgávuna millum sín.

Finnland hevur formansskapin í ár, men letur hann frá sær á nýggjárinum.

Norðurlandaráðið