Eitt valdømi tryggjar bestu kvinnuumboðan

Skipanin við einum valdømi í Føroyum tryggjar betri kvinnuumboðan á tingi enn ein skipan við fleiri valdømum.

Tað sigur Sonja Jógvansdóttir, stjórnmálafrøðingur.

Seinnapartin í gjár, kvinnudagin, helt hon fyrilestur í Norðurlandahúsinum um valskipan og javnstøðu.

Royndir aðrastaðni vísa, at stór valdømi eru betri trygd fyri at fáa kvinnur á ting enn smá valdømi, sigur Sonja Jógvansdóttir.