Andstøða og samgonga bilsin av landsstýrismanninum

Andstøðan setti krøv, tá hon møtti á fundi um fiskivinnunýskipan í gjár, og tað fekk eftir øllum at døma landsstýrismannin í fiskvinnumálum at taka stikkið úr samráðingunum um fiskivinnunýskipan.

Bæði andstøðan og limir í samgonguni gjørdust ovfarin, tá tey hoyrdu í útvarpinum á middegi, at partarnir vóru so langt frá hvør øðrum, at landsstýrismaðurin í fiskivinnumálum ikki heldur møguleikar vera at gera breiða semju um fiskivinnupolitikkin.