Tá krabbameinsviðgerðin er av, byrjar ein nýggjur lívskapittul. Eitt áðrenn og eitt aftaná trínir innar. - Men hvat er áðrenn, og hvat er aftaná, og er veruliga eitt greitt skilamark millum hesi báðar tíðirnar? 

Durita Tausen, Sóley Heradóttir Hammer og Helena Heðinsdóttir Guttesen eru gestir í fyrstu sendingini í sendirøðini Afraná, har ljós verður varpað á lívið  áðrenn og aftaná krabbamein. 

Áðrenn krabbameinið var lívið kanska ”bara” lívið. Arbeiði, familja, vinir, frítíðarítriv og gerandisdagur. Alt tað, sum fylti dagarnar, og alt tað, ein tók fyri givið. Men so kemur diagnosan,  brádliga verður tilveran broytt, og verður fyri mong býtt sundur í eitt áðrenn og eitt aftaná. 

Men er veruliga eitt týðiligt og greitt linja skilamark millum lívið áðrenn og aftaná krabbamein?-  Ella eru hesi meira flættað saman, enn vit halda?