Johan Dahl fer aftur í privata vinnulívið

Johan Dahl, landsstýrismaður, leggur frá sær sum næstformaður í Sambandsflokkinum, og hann fer úr politikki, tá løgtingsval hevur verið.

- Nógv gott og gagnligt er fingið á skaftið, tó at okkurt vónbrot eisini hevur verið, sigur fráfarandi næstformaðurin í Sambandsflokkinum

Johan Dahl sigur, at hann ætlar sær aftur í pribvata vinnulívið, tá valskeiðið er runnið.

Johan Dahl varð valdur fyrstu ferð á ting í 2002, og hann var afturvaldur í 2004, 2008 og 2011.

Hann var fyrstu ferð tilnevndur landsstýrismaður í 2004, men noyddist eftir fáum døgum frá, tí ófriður var um hansara fortíð í vinnulívinum.

Johan Dahl hevur verið landsstýrismaður í vinnumálum síðani 2008.