Fólkatingsval verður útskrivað í dag

27.05.2015 - 08:01
Fólkatingsval verður útskrivað í dag
Búskapurin og útlendingamál vera høvuðsevni í valstríðnum, siga eygleiðarar

Fólkatingsval verður útskrivað í dag, siga danskir miðlar.

Helle Thorning Schmidt hevur kallað inn til tíðindafund klokkan 10 føroyska tíð, og tá fer hon væntandi at skriva út fólkatingsval.

Í tíðindaskrivinum frá danska forsætismálaráðnum verður sagt, at Helle Thorning-Schmidt, forsætisráðharri, fer at koma við einari fráboðan, og høvi verður ikki at seta spurningar, stendur í tíðindaskrivinum.

Væntandi verður fólkatingsvalið annaðhvørt 16 ella 17 juni.

Seinasta fólkatingsval var 15. september 2011, og eftir tað valið gjørdist Helle Thorning Schmidt forsætisráðharri.

Sambært veljarakanningum, so er borgarligi vongurin á odda, men vinstri vongurin hevur framgongd.

Millum høvuðsevnini í valstríða verða búskapurin og útlendingapolitikkur, sigur Uni Holm Johannesen úr Keypmannahavn.

 
Er kopiera
Nýggjastu sendingar í ÚV
Mánadag 16. november
Norðurljóð 16.november 2026
215027
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Sunnudag 15. november
Filosofiskur 8.partur
216351
Nýggjastu sendingar í SV
Mánadag 16. november
Bygdarliv 4 – Eiði
216470
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214