Inger Støjberg og Mette Frederiksen kappast um atkvøður

Inger Støjberg og Mette Frederiksen kappast um atkvøður
Bæði forkvinnan í Danmarksdemokratunum og forsætisráðharrin stilla upp í Norðurjútlandi
Inger Støjberg, forkvinna í Danmarksdemokratunum, stillar nú upp í Norðurjútlandi.
Mynd: Ritzau Scanpix  
 
17.08.2022 - 14:27

Inger Støjberg fer at kappast við Mette Frederiksen um atkvøðurnar í Norðurjútlandi til næsta fólkatingsval.

Inger Støjberg hevur fyrr verið á listanum hjá Vinstraflokkinum í nógv ár. Tá stillaði hon upp í Vesturjútlandi, og fekk flestar persónligar atkvøður har.

Men sum oddakvinna í nýstovnaða politiska flokkinum, Danmarksdemokratarnir, fer Støjberg nú í beinleiðis kapping við sitandi forsætisráðharran, Mette Frederiksen. Og tað er ikki av tilvild.

 

Mette Frederiksen, forsætisráðharri, stillar eisini upp í Norðurjútlandi. (Mynd: Ritzau Scanpix)

 

Skal flyta atkvøður

- Hetta er týdningarmikið fyri Inger Støjberg, tí hon fer eftir at flyta atkvøður frá Javnaðarflokkinum til bláa veingin. Fyrstu veljarakanningarnar vísa, at hon hevur besta møguleikan at draga veljarar yvir um miðjuna. Og tað er avgerandi fyri at tryggja ein borgarligan forsætisráðharra næsta valskeið.

Tað sigur Christine Cordsen, politiskur korrespondentur hjá DR.

Til fólkatingsvalið í 2019 royndi Vinstraflokkurin at fáa Inger Støjberg at stilla upp í Norðurjútlandi. Tá segði hon nei.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584