Vil hava SSL í alment partafelag

Fyri at fáa eina meira skynsama fíggjarstýring og ein effektivari rakstur av Strandfaraskipum Landsins, er besta loysnin at skipa stovnin sum alment partafelag.

Tað stendur í álitinum um at útveita sjóvegis farleiðir hjá Strandferðsluni, sum júst er handað landsstýrismanninum í vinnumálum.

Serliga er tað játtanarskipanin, sum má broytast, tí hon egnar seg illa til skiparakstur, heldur Hilmar Eliasen, stjóri á Strandferðsluni.