Óvissa um lagnuna hjá floksformanninum

Nógv bendir á, at ein uppgerð er í væntu um formansessin í Sambandsflokkinum eftir stóru afturgongdina á løgtingsvalinum í gjár.

Kaj Leo Holm Johannesen, formaður, tykist ikki at hava nývalda tingbólkin aftanfyri seg.

Sambandsflokkurin fekk 18,8 prosent av atkvøðunum á valinum í gjár og seks tinglimir í mun til átta tinglimir við seinasta val. Afturgongdin var seks prosentstig.