Politiskur viðmerkjari: Samgongan er viknað

- Samgongan hevur framvegis 17 tingsessir, men hon er kortini viknað, nú Sonja Jógvansdóttir hevur tikið seg úr Javnaðarflokkinum.

Tað sigur Árni Gregersen, politiskur viðmerkjari.

Hóast Sonja Jógvansdóttir framvegis sigur seg styðja samgonguna, so ivast Árni Gregersen í, um samgonguflokkarnir fara at hava álit á einum samgongulimi, sum dagin eftir at løgmaður og landsstýri eru vald, tekur seg burtur úr einum flokki.

- Ein møguleiki er minnilutastjórn, men tað vænti eg ikki, at vit fáa, tí eingin siðvenja er fyri minnilutastýri í Føroyum, og tað krevur serligt politiskt handverk, sigur Árni Gregersen.

Hoyr samrøðu, sum Sigrún Brend gjørdi við Árna Gregersen í utvarpstíðindunum.