Varð tikin av fyri at skapa virksemi

Íløgukarmurin hjá kommununum varð tikin av fyri at fáa gongd aftur í samfelagshjólini. Tí virksemið var lítið og arbeiðsloysið stórt.

Tað sigur Bárður Nielsen, formaður í Sambandsflokkinum.

Tað var í hansara tíð sum landsstýrismaður í fíggjarmálum, at íløgukarmurin hjá kommununum varð tikin av.

Hann tekur fult undir við ætlanunum hjá landsstýrinum um áleggja kommununum karmar á bæði íløgur og rakstur.

- Tað er so nógv ferð á búskapinum, at tað er neyðugt at leggja loft á, heldur hann.