Framhaldsdeildin: Ikki allar súðir syftar

Allar súðir eru ikki syftar um framhaldsdeildina í Sankta Frans skúla í Havn næsta skúlaár.

Tað heldur skúlastjórin í Sankta Frans skúla, Selmar Jacobsen, hóast Mentamálaráðið longu tann 3. mai boðaði frá, at framhaldsdeild neyvan verður á skúlanum, tí tímarnir næsta skúlaár eru longu býttir.

Boðini frá Mentamálaráðnum í gjár komu óvart á bæði skúlastjóran og foreldur, tí tey samsvara ikki við lyftini hjá býráðspolitikarum.

Foreldrabólkurin hevur biðið um fund við Mentamálanevndina og Mentamáladeildina í Tórshavnar kommunu um málið.