- Norðingur lýkur ikki treytirnar

Norðingur hjá Hanusi Hansen hevði ikki loyvi at keypa kvotur á uppboðssølum, sum hava verið seinastu vikurnar. Tað heldur Axel Hansen, nevndnarlimur í Føroya Fiskimannafelag. Hann hevur tí klagað Norðing til Vørn.

Í lógini um uppboðssølu stendur, at tey fiskifør, ið bjóða á uppboðssølu skulu løna manningunum eftir sáttmálum við føroysk manningarfeløg. Men tað ger Norðingur ikki, tí hann er skrásettur sum ídnaðarskip, men lønar manningini eftir sáttmálanum um nótaskip.

- Føroya Fiskimannafelag má staðfesta, at alt fór ikki fram sambært galdandi lóg, tá Norðingur keypti tilsamans 6400 tons av uppsjóvarfiski á uppboðssølunum seinastu tvær vikurnar, sigur Axel Hansen, sum er nevndarlimur í Føroya Fiskimannafelag.