Ov nógvir kassar til landskassainntøkur

Uppskotið um at selja smápartafelagnum Fakfelag part av Lív Holding fær góða undirtøku í tinginum, men tingfólk í andstøðuni seta spurnartekin við, um tað er rætt, at peningurin, sum landið væntar at fáa av søluni, verður settur í Búskapargrunnin.

Sambært avtaluni við Uttanríkis- og vinnumálaráðið keypir smápartafelagið Fakfelag í fyrstu atløgu ein triðing av partapeninginum í Lív Holding fyri góðar 23 milliónir kr.

Tá málið fekk fyrstu viðgerð í tinginum fríggjadagin, ávaraði Bárður á Steig Nielsen, formaður í Sambandsflokkinum, ímóti at savna pening í fleiri almennar kassar.